Assembly Speaker enkawlna sum senso a tam, Speaker lungtat a par em ni: MNF Treasurer
by News Editor
ZORAM TODAY| 23rd September, 2024: Vawiin khan MNF party chuan Mizo Hnam Run- ah chhung inkhawm an nei a, thusawitu Lalruatkima, Ex-Minister & Treasurer, MNF chuan MNF Party chu Mizo Guardian kan ni, a ti a. “Mizoram Assembly Speaker Lungtat a pâr em ni?” tiin zawhna a siam bawk.
Minister hlui Lalruatkima chuan, “MNF hi Party mai a ni lova, Mizoram leh Hnam Sakhua venghimtu- Mizo Guardian a ni. MNF chu kan hnam pasaltha-Martar te hniakhnung zui a kan ram leh kan sakhua venghimtu kan nihna hria a beidawng mai tur kan ni lo,” a ti a. “Peace Accord avanga kan neih India Constitution Article 371 (G) Mizote himna hrang hrangte, hnamdang in Mizoram ah In hmun lo ram neih phal anih loh thu te, Mizote sakhua leh rinna, kan customary law practices zawng zawngte humhalh tlat ani a, veng him zel turin tan i la tlang zel ang u,” a ti bawk.
MNF Treasurer chuan, ZPM sorkar hnuah kan inkalpawhna kawngpui a tha lo em em a, chhiatna hrang hrang kan tawh mek laiin, kan Chief Minister ber USA ah a zin bo daih mai chu mak a tih thu leh PWD Minister lah muthlu ang mai a ni, a mawhphurhna a hlen zo lo hle, a ti bawk.
“Tunlai a Traffic Jam loh chhan chu Petrol/Diesil supply a harsatna awm vang a ni. Kan kawngpui a that loh laiin ZPM sorkar ve leh Chief Minister tual zawl chu PWD in PCC flooring in an cheithat bakah, PWD Minister inbul motor kal theih lohna kha an sorkar rei lo te chhungin a chenna In a lut thei turin sorkar sum hmangin kawng siamsak a ni,” Lalruatkima chuan a ti bawk.
MNF cabinet minister hlui chuan, “ZPM sorkar Council of Minister hmasa ber ten ZMC leh Lengpui Airport hralh an tum a hlawhchham a, Ni 100 chhung hmalakna tur hmachhawp a hlawhchham a, hmunphiah lei a hlawhchham a, a chingtute an beidawng bawk,” a ti a.
Sum leh pai enkawl leh kawngpui enkawl ah an hlawhchham bawk tiin, Chhiah kan tipung lovang tiin an tipung lawi a, tunah North East state-ah Mizoram hi tuialhthei man sanna ber kan ni ta a ni, MNF Treasurer chuan a ti.
Lalruatkima chuan Assembly Speaker chungchang sawiin, thla 9 chhungin Assembly Speaker enkawl nan a vaiin cheng nuai 65.23 hman a ni tawh a. Speaker Bangalow cheithatna atan Rs. 8,40,000/- leh speaker bangla furnishing atan Rs. 15,00,000 PWD atangin sen anih bakah Assembly secretariat pawisa hmangin Speaker Bangla furnishing atan Samsung/Sony TV engemaw zat, hmunphiah, tooth pick, wall clock/solar sana 9, pressure cooker 11, hmarcha rawtthleng leh Lungtat thlenga lei a nih thu RTI chhanna aṭanga an dawn thu a sawi a, chuvang chuan Assembly Speaker Lungtat a pâr em ni?, a ti.
Latest News

Ram dang mite laka ID card pek...
by Editor
2
d
02 April 2025

DC hovin fur lo thleng tura in...
by Editor
3
d
01 April 2025

Supreme Court thupek anga Ralt...
by Editor
3
d
01 April 2025

Financial year tawp ni ah GPF...
by News Editor
4
d
31 March 2025

Khawvela hming lam nuam leh la...
by Editor
4
d
31 March 2025

Sports Minister Nghinglova Cha...
by Editor
4
d
31 March 2025

Cyclone Remal tuartute Mizoram...
by News Editor
20
d
15 January 2025

MNF in hnam Pasalthate sun
by News Editor
22
d
13 November 2024

Kan unaunu rawng taka hal hlum...
by News Editor
25
d
10 November 2024

Maite ah voters awareness free...
by News Editor
25
d
10 November 2024

Rampum huap Disaster lam hawi...
by News Editor
10
d
25 October 2024

Sextortion video call vawi 100...
by News Editor
27
d
08 October 2024

Home Minister in Dungtlang Pol...
by News Editor
8
d
27 September 2024

Thla thar atangin buhfai a let...
by News Editor
8
d
27 September 2024

Power Minister hovin departmen...
by News Editor
9
d
26 September 2024

Central sorkarin kuhva chin kh...
by News Editor
10
d
25 September 2024

Kawngchhe chungchanga Chief Mi...
by News Editor
11
d
24 September 2024

Bana Kaih scheme progress part...
by News Editor
11
d
24 September 2024

ZPM sorkarah GST atanga sum la...
by News Editor
11
d
24 September 2024

TPDS beneficiaries awareness c...
by News Editor
12
d
23 September 2024